မွေးရပ်မြေအညာ သို့ အလည်လာရောက်ကြသူ မိတ်ဆွေအပေါင်း စိတ်၏ချမ်းသာခြင်း ကိုယ်၏ကျန်းမာခြင်းဖြင့် ပြည့်စုံအောင်မြင်နိုင်ကြပါစေ..... ကိုမျိုး (အညာမြေ)...

Thursday, June 3, 2010

အညာမြေမှ ယက်ကန်းခတ်သံ

အညာမြေမှ ယက်ကန်းခတ်သံလေးနဲ့ နှုတ်ခွန်းဆက်သပါရစေ။ မွေးရပ်မြေရွာသို့ အလည်တစ်ခေါက် ပြန်ပြီး ဆွေမျိုးသားချင်း ငယ်ပေါင်းတွေနဲ့ တ၀ကြီး စိတ်ရှိသလောက် မနေခဲ့ရပေမယ့် ပျော်ရာကိုခွါပြီး တော်သင့်ရာနေရာကို ပြန်ခဲ့ရလို့ အလွမ်းတွေ တပွေ့တပိုက်ကြီးနဲ့ မျက်နှာညှိးနေတုန်းပါ။ အညာလက်ဆောင်တွေတော့ တပွေ့တပိုက်ကြီးနဲ့ပါ။ အခု ယက်ကန်းခတ်သံလေးနဲ့နှုတ်ဆက်ပါတယ်။
.
ကျနော် ငယ်ငယ်တုန်းကတော့ လက်ယက်ကန်းစင်တွေ အိမ်ပေါက်စိ ရှိသလောက်ပါ။ အခုတော့ တစ်ရွာလုံးမှ နှစ်ခု သုံးခုဘဲ တွေ့ပါတော့တယ်။ အညာချည်ထည်လေးတွေ ၀တ်ရတာ ဘယ်လောက်နေပူပူ ကျန်းမာရေးနဲ့ ညီညွတ်မျှတစေတော့ လွမ်းမိသား။ အရင်တုန်းကတော့ အမှုမဲ့ အမှတ်မဲ့ နေခဲ့တာဆိုတော့ ချည်ထည်တစ်ခု ရဘို့ ခက်ရခက်ဆစ် လုပ်ခဲ့ရတာကို သတိမထားမိ။ အခုတော့ အညာချည်ထည်လေးတွေ တန်ဘိုးထားမိလာတော့ တကူးတက မေးပြီး ၀ါဂွမ်းမှ ချည်ထည်အချောအထိ ဘယ်လောက်လက်ဝင်ပြီး ယက်ခတ်ရတယ်ဆိုတာ သိခဲ့ရတယ်။
.
ယောင်္ကျား စာမတတ်တော့ အကန်း။ မိန်းမ ယက်ကန်းမတတ်တော့ အကျိုးတဲ့။ ရွာမှ အဒေါ်ကြီးက သူတို့ ငယ်ငယ်တုန်းက သုံးနှုန်းကြတဲ့ စကားကို ဆိုပါတယ်။ မျိုးဝါစေ့လေးတွေကို မိုးရွာတဲ့အခါ လယ်တောထဲမှာ ပက်ကျဲရပါတယ်။ အဆင်ပြေပြေမို့ဝါအပင် ရပြီး ၀ါသီးလေးတွေ ရပြီဆိုပါစို့။ ရင့်မှည့်လာပြီဆိုရင် ၀ါပွင့် ဖွေးဖွေးလေးတွေအဖြစ် ကြည်နူးရပြီပေါ့။ ၀ါပွင့် လေးတွေ ကို ခူးဆွတ်ပြီး နေလှန်း။ ပြီးတော့ ၀ါသန့်။ ဆိုလိုတာက အပွင့်မလှဘူး။ အမှိုက်ရောနေတဲ့ ၀ါပွင့် လေးတွေကို ရွေးထုတ်ပြီး သန့်တဲ့ ၀ါပွင့် လေးတွေကို ရွေးခြင်းပါ။
.
ဝါသန့်လေးတွေကို ကြိတ်ရပါတယ်။ ၀ါကြိတ်တယ်ဆိုတာက ပွင့်ဖတ်နဲ့ ၀ါစေ့ကို ခွဲထုတ်ခြင်းပါ။ ရွာမှာတော့ ပွတ်လုံးနှစ်ခုပါ လက်လှည့်ဘီးထဲ ၀ါပွင့်ကို ထိုးထည့်ပြီး အစေ့နဲ့ ပွင့်ဖတ် ခွဲထုတ်တာပါ။ ၀ါကြိတ်ပြီးပြီ ဆိုရင် ၀ါ ဖတ် ရပါတယ်။ ၀ါဖတ်တယ် ဆိုတာက ၀ါဂွမ်းလေးတွေကို ပိုပြီး နုညံ့ညက်ညောသွားအောင် ပြုလုပ်ခြင်းပါ။ အဲဒီ ၀ါညက်ကို တဖတ်ခြင်းယူပြီး ဒုတ်တန်အချောလေးနဲ့ လိပ်ယူရပါတယ်။ ဗိုင်းတောင့် လုပ်တယ်လို့ ဆိုပါတယ်။


ရစ်ခုံ အမျိုးမျိုး
.
ဗိုင်းတောင့်လိပ်ကလေးတွေကို လေလွင့်မသွားအောင် တောင်းလေးထဲမှာ ထည့်ပြီးဖိထားရပါတယ်။ ဗိုင်းကောင်း ကျောက်ဖိ တဲ့ဗျာ။ ပိပိရိရိ သေသေသပ်သပ် ကလေး နေတတ်ထိုင်တတ်ခြင်းကိုလည်း ဒီစကားနဲ့ ခိုင်းနှိုင်းကြတာပေါ့။ ဗိုင်းလိပ်တောင့် ကလေးတွေကို ၀ါချည်မျှင်ဖြစ်အောင် ရစ်ခုံ ကလေးမှာ တစ်မျှင်ခြင်း ရစ်ယူရပါတယ်။ ဗိုင်းငင်တယ်လို့ ခေါ်ဆိုကြတယ်။ ဗိုင်းငင်ပြီးရင် ချည်မျှင်ရပြီ ဆိုပါစို့။ အဲဒီချည်မျှင်ကို ခြားရစ်ရပါတယ်။ ချည်ခင် ရမယ်။ ချည်ခင် ကို လိုရာအရောင်ဆိုး။ ဆေးဆိုးပြီး ချည်စာနင်း။ ချည်စာနင်းတယ်ဆိုတာ ဆေးဆိုးပြီး ချည်ခင်ကို ဆေးသားဝင်သွားအောင် ချည်ခင်ကို ထမင်းပျော့ပျော့နဲ့ နယ်ပြီး ခြေဖ၀ါး နဲ့အားထည့်ပြီး နင်းရပါတယ်။

အဖွားသီ ချည်ခင် နေစဉ် (အပြုံးလေးနဲ့ :)


ပြီးတော့ နေလှန်း။ ချည်စာသတ်။ ချည်စာသတ်က ချည်မျှင်လေးတွေကို တစ်ပင်ခြင်း ရှင်းသွားအောင် ချည်စာသီး နဲ့ ခြစ်ရပါတယ်။ အဲဒီ ရှင်းပြီးသား ချည်မျှင်လေးတွေကိုမှ ယောက်လုံးတွင် ရစ်ယူရပါတယ်။ ရက်ဖောက်တယ်လို့ ခေါ်တယ်။ ယက်ကန်းစင်ပေါ်ရောက်ဖို့ အဆင်သင့်ပြီ။ ၀ါဂွမ်းကနေ ချည်ထည်အချောအထိ တဆင့်ချင်း လုပ်ဆောင်ရတာတွေက အများသား။ တချို့အဆင့်တွေက အညာအခေါ်အဝေါ်တွေနဲ့ တနေရာနဲ့တနေရာ အခေါ်အဝေါ်တွေ မတူကွဲပြားလို့ ချန်လှပ်ထားခဲ့ပါတယ်။


အညာယက်ကန်းစင် (အသုံးဝင်ပုံများ.. ထမီလှန်းတယ်..ရေနံကြီးအိုးထားတယ်..ထင်းတွေပုံထားတယ်..အေးကျော် ဆိုတဲ့ နာမည်တောင်ပါလိုက်သေး)

ချည်ထည်အကွက်ဆန်း ပုဆိုးယက်ရန် ပြင်ဆင်ထားတယ်တဲ့

အကွက်ဆန်းဆင် ပုဆိုးကွက်ပုံပေါ်နေပြီ။
.
ယက်ကန်းစင်.. ကွက်ဆန်းထွင်
ပျို့မောင်ကြီး ကိုယ်ယောင်ပွနဲ့
အတော်လိုက်မယ့်အဆင် ယဉ်သလေး..
ပျော်လိုက်တဲ့ခင်..ခင် ရေ
အတော်လိုက်မယ့်အဆင် ယဉ်သလေး။
.
လက်ခတ်သံ လက်ခတ်သံ
မလေး လက်ခတ်သံ
လက်ခတ်သံ လက်ခတ်သံ
ပျိုလေးလက်ခတ်သံ
လက်ခတ်သံ ကျွန်းဖိုသား
သောင်းတိုင်က ကြားသလေး။
.
ရှေးစာဆိုကြီးတွေ ရေးစပ်သီကုံး ဖွဲ့ဆိုထားသည့် မလေး လက်ခတ်သံ ဆိုတဲ့ သီချင်းသံကလဲ နားထဲမှာ ကြားယောင်လာမိပါတယ်။ နိုင်ငံခြားဖြစ် အ၀တ်အထည်တွေကို အားမပေးဘဲ ပြည်ထွန်းဖြစ် လက်ယက်ကန်း အဆင်အကွက်လေးများကို အားပေး ၀တ်ဆင်ပြီး ၀ံသာနု ရက္ခိတ အမျိုးသားရေး စိတ်ဓာတ်ကို မြှင့်တင်ပေးထားတဲ့ သီချင်းစာသားလေးဆိုရင်လဲ မှားမည်မထင်ပါ။
.
တိုးတက်နေတဲ့ ခေတ်ထဲမှာ အထည်တစ်ခုကို အလွယ်တကူ ၀ယ်ယူဝတ်ဆင်နိုင်ပါလျှက် ဘာဖြစ်လို့ ဒီလောက်ခက်ခက်ခဲခဲ လက်ရက်ထည်လေးတွေကို အမြတ်တနိုး တနိုင်တပိုင် ယက်လုပ်ပြီး ၀တ်ဆင် နေကြသေးတာလဲလို့ အမေးရှိရင် ကျုပ်ကိုယ်တိုင် အဖြေကောင်းကောင်း မပေးတတ်။ ပေးတတ်တဲ့ အဖြေကတော့ ကျုပ်က မြန်မာဗျ။ မြန်မာ့ချည်ထည်လေးတွေကို တန်ဘိုးထားတယ်။ မြတ်နိုးတယ်။ မြန်မာ့ကျေးလက် အနုပညာကို လေးစားတယ်။ ဂုဏ်ယူတယ်။ ခေတ်နောက်ပြန်ဆွဲတယ်လို့ ဆိုချင်ဆို။ ကျုပ်ကတော့ ကျေးလက်အမွေအနှစ်မို့ နောက်တစ်ခေါက် ရွာပြန်ရင် ယက်ကန်းခတ်သံလေးတွေ မကြားရတော့မှာ နှမြောမိသဗျာ။
.




.

ခင်မင်လေးစားစွာဖြင့်

ကိုမျိုး (အညာမြေ)

11 comments:

SHWE ZIN U said...

ကိုမျိုး ရေ

ပြန်လာပြီပေါ့နော် ဝမ်းသာပါတယ်ဗျာ လက်ဆောင် တွေ လည်း ပေးအုန်းလေ စာကောင်း လေးတွေမျှော်နေတယ်

အားလုံးနေကောင်း အဆင်ပြေကြတယ်နော်

လင့်ခ် လေးလည်း ယူသွားပါတယ်

ခင်မင်စွာဖြင့်
ရွှေစင်ဦး

Anonymous said...

အလွမ်းတွေတပွေ့တပိုက်ကြီးနဲ့ မျက်နှာညိုးနေတုန်းလား
စိတ်မကောင်းပါဘူးဗျာ
ဒါပေမယ့်လည်း ကိုယ့်အလုပ်နဲ့ကိုယ်ဆိုတော့ ကြာရင်မေ့သွားမှာပါ
နေပူပူမှာ ချည်ထည်လေးဝတ်ပြီးလျှောက်လည် လိုက်အုံးမယ်

ခင်တဲ့
seesein

ရွှေရတုမှတ်တမ်း said...

ကိုမျိုးရိုက်လာတဲ့ vedioလေးကြည့်ပြီးလွမ်းလိုက်တာ
ကိုမျိုးရယ်..ကိုကြီးကျောက်လဲ ရွာတွေရောက်ရင် ယက္ကန်းဝင်ခတ်ကြည့်တာပဲ၊ ဖျင်ကြမ်းတဘက်လေးတွေတော့ ဝင်ခတ်လိုက်တာပဲ
ပုဆိုးတော့မခတ်တတ်ဘူး၊ ရိုးရာယက္ကန်းစင်က ရှားသွားပြီ၊ စက်ယက္က္ကန်းတွေပဲ ကျန်တော့တယ်၊ နွားစာစဉ်းခုံလေးပါ ရိုက်ပြထားသေး၊ ရန်ကုန်က အဲဒါ မမြင်ဘူးတဲ့သူတွေသိအောင် အသံနဲ့ ရှင်းပြထားလေ၊ ကိုကြီးကျောက်တို့ အညာသားတွေကတော့ မြင်နေကြဆိုတော့ ဘာတွေဆိုတာသိပေမဲ့ ထောက်ကြံ့ထက်ဝေးတဲ့နေရာတောင်မရောက်ဖူးတဲ့ ရန်ကုန်သူစစ်စစ်တွေက သိကြမှာမဟုတ်ဘူး

တော်ကီ said...

Thanks you for your video and post. It reminds me of my childhood days. I'm glad you've made it to the way back home and welcome back to robotic life. :) Those traditional "yat kan" jargons are very familiar with me as i was grown up around looms. But now, I can't name exactly what they are called and how they are used to produce a longyi or a blanket. Though there are many longyi industries nowadays, i still love to wear hand-made (or even home-made!) longyi proudly. However, the market is already ruined as china already colonised our traditions with their cheap and crappy products.

As you mentioned, it takes a lot of time to craft cotton into a beautiful longyi & blanket. So many workers prefer to follow a quicker way to make living for them; farming. Gradually, traditional yat kan and other traditions such as wooden crafts are disappearing from the market. We should put those traditions into endanger list just like trying to protect rare animal species for the sake of Burmese traditions.

I want to see Ghandi's video that he tried to encourage people to use home-made products instead of imported goods again. Oh your post truly inspires me. Thanks again. Cheers!

Myanmar Good Knowledg Co., Ltd said...

ကိုမျိုးရေ
မင်္ဂလာပါ။
အညာကပြန်လာပြီး ဘယ်လိုဖြစ်နေမယ်ဆိုတာ သဘောပေါက်ပါတယ်။

“ ကျွန်မတို့ရဲ့ ဘ၀တွေပဲလေ။”

ပို့စ်ကတော့ သိပ်ကို မြန်မာဆန်ပြီး အလွမ်းပြေရပါတယ်။
ကျွန်မတို့မြန်မာပြည်မှာ အဲဒီလို အစကအဆုံး လက်နဲ့လုပ်ရတဲ့ပစ္စည်းတွေက သိပ်ကို ဈေးသက်သာတယ်။ ဒီတိုင်းပြည်မှာဆိုရင် အလွန်ကိုဈေးကြီးတယ်။

နောက်တစ်ခုက အဲဒီလိုရိုးရာယဉ်ကျေးမှုမိရိုးဖလာလုပ်ငန်းတွေကို ဒီကတိုင်းပြည်တွေမှာ တန်ဘိုးထားတယ်။ နိုင်ငံတော်ကလည်းထောက်ပံ့တယ်။

ပြီးတော့မိရိုးဖလာလုပ်ငန်းတွေကို လူငယ်တွေပညာတတ်တွေကဆက်ခံပြီး ခေတ်နဲ့ ညီအောင်တီထွင်မှုကိုပေါင်းစပ်တယ်။

နောက်ဆုံးပိုဒ်က “မန်မာ့ချည်ထည်လေးတွေကို တန်ဘိုးထားတယ်။ မြတ်နိုးတယ်။ မြန်မာ့ကျေးလက် အနုပညာကို လေးစားတယ်။ ဂုဏ်ယူတယ်။ ခေတ်နောက်ပြန်ဆွဲတယ်လို့ ဆိုချင်ဆို။ ကျုပ်ကတော့ ကျေးလက်အမွေအနှစ်မို့ နောက်တစ်ခေါက် ရွာပြန်ရင် ယက်ကန်းခတ်သံလေးတွေ မကြားရတော့မှာ နှမြောမိသဗျာ။” ဆိုတာကိုဖတ်ရတာ တကယ်ကို ထပ်တူထပ်မျှခံစားရပါတယ်။

ဗီဒီယိုကိုပါရိုက်လာပြီးတင်ပေးတာ ကျေးဇူးတင်လေးစားပါတယ်။

ဗေဒါမ (ရဲရဲတောက်) said...

အညာက အညာသားမောင်မျိုး..

လာပြန်ဖတ်ရသေးတယ်.. အစချီတုံးက ကျွန်တော်ဘာညာဆိုပြီး ဟုတ်နေပါရက်နဲ့ အောက်ပိုဒ်လည်းရောက်ရော ဘာဖြစ်လို့ ` ကျုပ် `လို့ ဖြစ်သွားရတာသတုံးအေ.. အဲလောက် တန်ရှင်တွေ မြင့်သွားတော့ ဖတ်ရတာ .. မျိုးချစ်စိတ် တွေ ဖြန်းဖြန်းထသွားလေရဲ့..။

အော် ပျော်ရာကို စွန့်ခွာခဲ့ရသတဲ့လား ကိုမျိုးရေ.. နုလုံးနုတဲ့ ဗေဒါမ ရေးရင်း မျက်ရည်ဝဲတယ်.. ဘယ်တော့မှ ပျော်တဲ့နေရာကို ပြန်ရမလဲလို့ပါ.. အနှစ် ၂၀ နည်းပါးပဲ..။ တကယ်ပါ လွမ်းလွန်းတယ် မောင်မျိုးရေ.. မွေးရပ်မြေဆိုတာ အကြောင်းပေါင်း မလှလို့ ဘယ်လောက်ပဲအကျည်းတန်နေပါစေ မဗေဒါအတွက် ချစ်စရာတွေ အများကြီး ကျန်နေမယ်လို့ အမြဲယုံကြည်နေတယ်.. ကိုယ့်လူမျိုး.. ကိုယ့်စကား အစရှိတဲ့အရပ်ဟာ မဗေဒါအတွက် ပျော်စရာဖြစ်မှာ အသေအချာပါပဲ..။

ဗိုင်းကောင်းကျောက်ဖိလေး ထည့်ရေးတာကောင်းတယ်.. ပိုသဘောပေါက်သွားတယ်.. စာပေဆိုတာ တနေရာတည်း မရပ်နေတော့ အကြောင်းအရာလိုက် ခိုင်းနှိုင်းသုံးတာတွေက စိတ်ဝင်စားဖို့ကောင်းတယ်.. စာပေတန်ခိုး တွင်ကျယ်မှုပေါ့နော်..။

အညာပြန်ပြီး ကုန်ကြမ်းတွေ ရှာခဲ့တဲ့ မောင်မျိုးရေ စာတွေ ဖတ်ဖို့ အားမွေးထားမယ်..။ မိသားစုတွေ ပျော်ရွင်ပါစေလို့..။

မောင်မျိုးခေါ်နေတဲ့ ဗေဒါမ

လေပြေသွေး said...

ပြန်လာပြီလားဗျို့...

ခရေညို said...

ကိုမျိုးရေ တော်တော်ပျော်ခဲ့တယ်ထင်တယ်နော်။ ဘယ်လိုနေမယ် ဆိုတာကိုယ် ချင်းစာပါတယ် ယက်ကန်းအကြောင်းက ကိုယ်လည်းအညာသူဆိုပေမဲ့ အခုလိုအသေးစိပ်သိရတဲ့အတွက် ကျေးဇူးပါ စိတ်အဝင်စားဆုံးကတော့ အညာလက်ဆောင်တွေတော့ တပွေ့တပိုက်ကြီးနဲ့ပါ ဆိုတာပဲ ဟဲဟဲ

slym said...

Visited and noted a new chapter in life brother. Expect to read serial travel articles.

မြစ်ကျိုးအင်း said...

တဖြည်းဖြည်းနဲ့တော့ ကွယ်ပျောက်သွားမှာပဲ။
မိသားစု စားဝတ်နေရေးကြောင့် ပိုအဆင်ပြေမယ့် အလုပ်တွေ ကူးပြောင်းရင်းနဲ့
ရိုးရာ လက်မှုတွေ တိမ်ကောသွားမှာကို တကယ် နှမျောတယ်ဗျာ။ ဒါတွေကမှ မြန်မာ ဆိုတာ ဘယ်လိုလဲ ပြနိင်တဲ့ ယဉ်ကျေးမှုတွေပေါ့

Unknown said...

Hi!Great and interesting blog you have:) Come and visit my site too. http://motors.com.mm/?utm_campaign=mot_mm_lb_blog_martaste&utm_source=mot_lb_blog&utm_medium=lb_blog