အောင်မောင်း

အောင်မောင်းဆိုလို့ အောင်မြင်အောင် တီးရတဲ့ မောင်း ကိုပြောတာ မဟုတ်ပါ။ လူနာမည် ဦးအောင်မောင်း ကိုပြောတာပါ။ ဒီပို့စ်မှာတော့ အောင်မောင်းလို့ပဲ သုံးပါ့မယ်။

ကျနော်တို့ ရွာက အောင်မောင်းဆိုတာ လူသန်ကြီးပေါ့။ တခုခု မနိုင်မနင်း ဖြစ်မယ့်အရာကို ရွှေ့ခိုင်းရင်.. အမလေးဗျာ.. ဒီလောက် လေးတာကြီး မပြီး ရွှေ့နိုင်ရအောင် လူများ.. အောင်မောင်း မှတ်နေ။ အဲဒီလို ပြောစမှတ်ဖြစ်အောင် အောင်မောင်း ဆိုတဲ့ သူက သန်တာ။

အောင်မောင်း တို့ဘယ်လောက်ထိ သန်သလဲဆိုရင် လူနှစ်ယောက် သူ့ရဲ့ဆန့်ထားတဲ့ လက်တဖက်စီမှာ တွဲလောင်းခိုပြီး လိုက်ရင်တောင် ဟန်မပျက် လှည့်ပြီး မ ပြနိုင်သေးတာ။ အဲဒီလောက်အထိ သန်တာ။

ဆန် တစ်တင်းခွဲ ၀င်အိတ် လေးအိတ်ကို ထပ်ထမ်းပြီး ရွာလည်လမ်းမကြီးအတိုင်း အရှေ့အနောက် နှစ်ခေါက်.. မနားဘဲ ထမ်းပြီး လောင်းကြေး စားကြေး ထမ်းပြခဲ့သေးတာ။

ရွာ၏အရှေ့ဘက်မှာ သောက်ရေတစ်တွင်း ၊ ချိုးရေတစ်တွင်း ရှိတော့ လူတိုင်းက ညနေပိုင်းဆို ရေချိုးထွက်ကြတာ။ အဲဒီ အောင်မောင်း ရှိရင်..ဟေ့ကောင် အောင်မောင်း ..မင်းနဲ့ငါနဲ့ ရေပြိုင်ပြီး ငှင်ရအောင် ဆိုရင် သူက နှစ်လှမ်း သုံးလှမ်းနဲ့တင် ရေတစ်ပုံး အပေါ်ရောက် အောင်တင်နိုင်တာ။

အဲဒီ ချိုးရေတွင်းမှာ..တနေ့တော့ အောင်မောင်း ရေချိုးနေတုန်း..သူ့ရဲ့ဘေးနားက မကြူမော်ဆိုတဲ့ အမျိုးသမီးတစ်ယောက် ကုန်းပြီး ရေငှင်နေတုန်း ခြေချော်ပြီး ရေတွင်းထဲ ကျသွားတာ..

အောင်မောင်းက တစ်ဖက်က ရေပုန်းနဲ့ ကျန်တစ်ဖက်က ရုတ်တရက် လှမ်းဆွဲလိုက်တာ..
မကြူမော်ရဲ့ ခြေထောက်တစ်ဖက်ကို မိသွားတာ.. ဘာပြောကောင်းမလဲ
မကြူမော်က ရေတွင်းထဲမှာ ဇောက်ထိုးကြီး.. ခြေတစ်ဖက်က အောင်မောင်းလက်ထဲမှာ..
ပြီးတော့ ၀တ်ထားတဲ့ ထမိန်က.. လူကဇောက်ထိုး ဖြစ်နေတာဆိုတော့ ခေါင်းဘက်ကို လန်..
ကျန်ခြေထောက်တစ်ဖက် ကလဲ ကိုးရိုးကားယား..
အောင်မောင်းကလဲ ကျသွားမှာစိုးလို့ ကျန်တစ်ဖက်ကို မလွှတ်..
ဘေးလူတွေကလဲ ၀ိုင်းကြည့်..
မကြူမော်ရဲ့ အဖြစ်ကို စာဖတ်သူ တွေးသာကြည့်ပါတော့..
ရှက်ရှက်နဲ့ မကြူမော်က အော်ပြီး ပြောတယ်..


အောင်မောင်း..အောင်မောင်း ရယ်..
ငါသေရင် သေပါစေ..
လွှတ်သာချလိုက်ပါတော့....



ပြုံးပျော်နိုင်ကြပါစေ။